الأكثر مشاهدة

بالفيديو| أيمن عثمان: خطاب التنحي كان أشبه بعصا موسى

"يوم تنحي مبارك كان يوم فارق بالنسبة لي، إحنا بعد 18 يوم هتاف واحد وكله على قلب بعضه، الموضوع اختلف لأن قبل الخطاب بتاع التنحي كان صعب تحدد فكر كل واحد أو أيديولوجيته أو اتجاهه إيه؟ ولكن ساعة الخطاب أو بعدها كان أشبه بعصا موسى اللي شقت البحر، بصيت للميدان اللي كان واحد بقى شبه الميدانين والهتاف اختلف والمجموعات بقت مختلفة، وده معناه أن كان فيه هدف يجمع، ولحظة التنحي كان فيه طاقة بتتقسم، وده اللي خلَاني أروح للتراث" هذا ما قاله مؤسسة صفحة تراث مصري أيمن عثمان، للإعلامي خيري رمضان، خلال حلقة اليوم الأحد من برنامج آخر النهار على قناة النهار. وأضاف: "روَحت البيت، ودخلت مكتبتي الخاصة، وطلعت كل ما يخص الثورات القديمة، وكان عندي حالة استعجال، كنت عايز أعرف إيه اللي هيحصل بعد كده؟ لأن الأمم اللي بتقف في مكانها التاريخ دايما يتكرر فيها، وما فيش حاجة اسمها التاريخ يعيد نفسه لأنها مقولة تستخدم في السيئ فقط، فأحداث 25 يناير تكررت في كل ثورات مصر واللجان الشعبية ظهرت في ثورة 1919".
2017-08-27 22:05:14

آخبار ذات صله

تابعنا على الفيس بوك

التعليقات